3-4 яшьтәге балалар белән бергә эшләү  өчен  әзерләгән махсус шөгыль үрнәге (традицион программа буенча).

Бу катлаулы булмаган аппликация балаларны түгәрәк кәгазь предметларны җилем белән генә дөрес ябыштырырга гына өйрәтүне генә күздә тотмый, ә шулай ук предметларның бер-берсеннән зурлык һәм төс буенча аерыла икәнлеге турындагы күзааллауларын ныгыта. Аппликация техникасы белән эшләү күнекмәләрен үстерә, пөхтә эшләргә өйрәтә, үзеңнең эшеңне дөрес оештыра алу күнекмәрен үстерә. 

Шөгыль үткәрү өчен кирәкле булган предметлар:

Җиләк-җимешләрнең размерларын истә тотып,  4 кәгазь түгәрәк әзерләп куярга кирәк (3-4 яшьтәге балаларга кайчы белән мөстәкыйль эшләргә ярамый, аларга ярдәм итәргә кирәк булачак).

Аппликация үткәрү өчен кирәкле размерлар:

Балаларга тәлинкә күрсәтегез, җиләк-җимешләрне тәлинкәдә урнаштырыгыз. Һәрбер  җиләк-җимешне  карагыз, аның размерына, төсенә игътибар итегез. 

Башта балалар 3 түгәрәкне, үрнәк буенча,  ак кәгазьдә (альбом битендә) урнаштырсыннар. Аннан җилем белән әшләү алымын күрсәтегез. Җилемне пумалага күп алмаска икәнлеген аңлатыгыз, пөхтә һәм чиста эшләргә, ябыштырган вакытта чүпрәк кисәге белән файдаланырга кирәклегенә балаларның игъбарын җәлеп итегез. Эшләү процессы артыннан күзәтегез.

Эш әзер.

Без бу шөгыльне  балалар бакчасында үткәрдек. Сез балагыз белән берлектә катлаулырак аппликация дә эшли аласыз, балалар гади аппликация белән эшләү  күнекмәрен алдылар. 

Балаларга әти-әни белән бергә күмәк әшләү аеруча ошый. Сез  өегездә балаларыгыз белән бергә  аппликация шөгылен үткәрә аласыз. Эш үрнәкләрен үзгәртә аласыз, мәсәлән, түгәрәк форманы ярымтүгәрәк формасына алыштыра аласыз (әфлисун, мандарин, карбыз өлешләре).

Аппликациядән соң, балаларга тырышканнары өчен,  тәлинкәдә булган җиләк-җимешләр белән сыйланырга тәкъдим итегез.

Уңышлар Сезгә!